Сценаристот и режисер Нил Бломкамп извести за продолжение на неговото режисерско деби, епскиот научно-фантастичен филм „Област 9“. Тој откри дека заедно со своите партнери и соработници, во фаза е пишувањето на сценариото за „Област 10“.
Бломкамп го напиша „Област 9“ врз основа на настаните во Јужна Африка за време на апартхејдот. Доби четири номинации за Оскар, вклучувајќи за најдобра слика и оригинално сценарио за Бломкамп и Тери Татчел.
Филмот ја раскажува приказната – во формат сличен на документарец – за џиновско вселенско летало, полно со вонземски бегалци, што се појавува над Јоханесбург, Јужна Африка, а беспомошните вонземјани се принудени да живеат во сиромашни услови на Земјата. Тоа е очигледен коментар на социополитичката клима од тоа време.