Гласините дека Ауди ќе се приклучи во Формула 1 постојат веќе неколку години, а сега повторно се појавија. Порше всушност имаше авантура во Ф1, најпрво како конструктор во шеесеттите и како снабдувач на мотори во осумдесеттите, а во 2019 година се развиваше Ф1 спецификацијата V-6. Сега, во извештајот на списанието Car Magazine се вели дека едната или двете од овие марки би можеле да влезат во Ф1 спортот во 2025 година.
Многумина љубители на овој тркачки спорт сакаат овие гласини да станат вистина. Се разбира, ние сме повеќе од малку скептични со оглед на досегашната историја. Разликата помеѓу оваа рунда гласини и претходната е дека Формула 1 воведува нови мерки за намалување на трошоците во следните години. Оваа година има буџетско ограничување од 145 милиони долари по тим, а до 2023 година тоа ќе се намали на 135 милиони долари. Последен пат кога Ауди и Порше беа во контакт со Ф1, немаше такви огради, а трошоците да се биде конкурентен беа астрономски.
Најавени се нови регулативи насочени кон рамноправност на полето на конкурентност во 2022 година, а во 2025 година, Формула 1 треба да воведе нови регулативи за моторот со цел да ги намали трошоците и исто така да ја прифати употребата на синтетички горива и да го зголеми нивото на електрификација. Тоа добро се вклопува во сè повеќе електрифицираната иднина на групацијата VW, а особено Порше силно ги подржува синтетичките горива. Со оглед на овие еколошки иницијативи и пониските трошоци, Ауди и Порше ќе имаа поголема мотивација да влезат во Ф1 или како добавувачи на мотори или како тимови.