Практикување на секојдневно или почесто пешачење може да биде од огромна корист за вашето здравје и фитнес програма токму сега. Не само што ќе ви помогне физички, туку исто така ќе ви помогне и психички. Пешачењето е совршен начин да го зголемите фитнес нивото, да развиете тон и виткост на фигурата, да ја зголемите силата, издржливоста, како и да се ослободите од несаканите килограми. Дознајте како да ги остварите вашите фитнес цели со 5 најдобри фитнес совети за начинот на пешачење.
1. Начинот на поставеност на телото е значајна техника при пешачењето. Корегирајте го држењето и исправеноста на телото при пешачење, по можност повлекувајте го стомакот кон рбетот, ова ќе ви овозможи да бидете поактивни при пешачењето.
Наместете ги рацете во нивната позиција за пешачење. Најоптимално е да бидат кај лактовите свиткани на 90 степени, а шаките собрани, но не и стегнати. Рамењата поопуштени колку што може да биде. Започнете со одење при што стапалото води со вашата петица, осигурувајќи дека тоа прво ја допира земјата, пред остатокот од стапалото. Уште подобро да замавнувате и да ги движите што повеќе и вашите раце додека пешачите, при тоа највисоката точка на вашата рака да не е повисока од брадата. Овие едноставни измени во вашата техника ќе обезбедат максимална ефикасност. Ваквото подинамично пешачење ќе ви овозможи поголема корист и ефективност од пешачењето и ќе придонесе да согорите и дополнително повеќе масти и калории.
2. Носете тежина
Колку и да изгледа непријатно, носењето нешто со вас на прошетка ќе ве натера да пешачите и вежбате понапорно, што ќе донесе и подобри фитнес резултати..
Ранец – Одлична опција бидејќи можете да ја наполните со тежина онолку колку што сакате. Бидете сигурни дека добро се вклопува на вашето тело и не чувствувате непријатност.
Тежински елек – Достапни се во продажба и за извршување на слична намена и работа како ранецот, освен што порамномерно ја дистрибуираат тежината низ телото.
Тегови (тежини) на рацете – овде можете лесно да импровизирате со шишиња вода; прилагодете ја тежината со промена на количина на водата. Се препорачува не повеќе од 0,5 л во секоја рака.
Прачки за пешачење – Лесно достапни и одлични за работа со горниот дел од телото додека пешачите, зголемувајќи го вкупниот интензитет на тренингот.
Придобивки: Тежините или прачките на рацете придонесуваат за зголемено тонирање на горниот дел од телото при вашата прошетка, додека ранецот или тежинскиот елек донесуваат дополнителна работа на нозете и на долниот дел. Сето ова ќе предизвика малку повеќе напор на вашата сесија што резултира со согорување на повеќе калории и маснотии и зголемување на кардиоваскуларната кондиција.
3. Искористете ја што повеќе околината
Помислете на овој како на дополнителна мотивација за пешачење со поглед.
Започнете со проучување на вашата локална област и околина кои се погодни за пешачење; направете список на сите интересни и пожелни места, патеки, угорнини и ритчиња, а потоа започнете со онаа патека и дистанца што се чини дека може да ја изодите во далечина за вашиот прв обид.
Или ридеста угорнина на помало растојание, па да се искачувате и спуштате повеќе пати за време на тренингот, или искачете се и слезете се на поголем рид како целосна сесија. Ова ќе помогне да се тонизираат мускулите на нозете и задниот дел. Тоа е исто така голем предизвик за кардиоваскуларниот систем – согорување на дополнителни 3-5 калории во минута отколку кога одите на рамен терен.
4. Комбинирајте одење со трчање
Ако пешачењето се покажува малку досадно, тогаш обидете се да го комбинирате со трчање, џогирање или брз спринт. Ваква комбинирана вежба обично трае не подолго од 20-30 минути, но ако сте нови во овој начин на пешачење, најдобро е вежбањето да не трае повеќе од 10-15 минути.
Овој вид на вежбање согорува до 30 проценти повеќе калории од кој било друг вид на пешачење. Започнете со 1 минута најпрво, а потоа постепено зголемувајте го односот на трчање и одење. Овие кратки комбинирани активности ќе го зголемат срцевиот ритам и метаболизмот на начин на кој со едноставно пешачење не се постигнува. Едноставно кажано, твоето срце ќе работи понапорно и ќе користиш повеќе енергија. Но не се препорачува за оние со послабо срце и послаба кондиција.
5. Завршете со протегнување и истегнување на телото
Кога сте вежбале напорно, истегнувањето на телото ќе ви помогне да ги опуштите мускулите.
Постојат повеќе начини и вежби, а одберете ги оние кои најмногу ви одговараат. Од витално значење е да се разладите откако ќе вежбате. Истегнувањето по тренинг помага да се избегнат уморни, вкочанети и болни мускули, помагајќи на протокот на крвта да се врати во вашите мускули со порегулирано темпо, овозможувајќи на срцевиот ритам да се врати во нормала.
Дали долгото пешачење е добра вежба?
Пешачењето е енергична, но добро заокружена фитнес активност која значително ќе го забрза метаболизмот и ќе го зајакне потенцијалот за согорување на калории … што може да биде подобро од тоа?
Може ли да постигнете виткост само со пешачење?
Пешачењето за фитнес честопати го препорачуваат лекари, нутриционисти и тренери. Сепак, секогаш е најдобро да се комбинира пешачењето со урамнотежена исхрана за да се зајакне целокупното здравје, бидејќи самото пешачење не е доволно за одржување на вашето здравје.
Дали можете да ги отстраните маснотиите со пешачење?
Додека маснотиите обично се поврзуваат со диета, со примена на неколку едноставни измени во вашиот вообичаен стил на пешачење – користејќи разновидни сесии и некои пречки во природата – ќе додадете вистински фитнес карактеристики на тренингот, што може да ви помогне да изгубите маснотии во стомакот во комбинација со урамнотежена исхрана.
Но, не очекувајте резултати преку ноќ. За напредокот е потребно време и треба да бидете доследни на она што го правите. Кога имате желба да се откажете, тогаш треба психички да бидете силни и да продолжите со пешачењето.